Ուժի ցուցադրում համընդհանուր ընտրություններից երկու շաբաթ առաջ. Թուրքիայում իշխանություններն ու ընդդիմությունը հազարավոր կողմնակիցների դուրս բերեցին փողոց։
Կիրակի օրը Անկարայում հանրահավաք է տեղի ունեցել ներկայիս նախագահ և իսլամական պահպանողական Արդարություն և զարգացում կուսակցության (ԱԶԿ) առաջնորդ Ռեջեփ Թայիփ Էրդողանի կողմից, ով երկիրը ղեկավարում է 2003 թվականից։ Իր ելույթում նա խոստացել է «Աստծո օգնությամբ ոչնչացնել ընդդիմությանը»։
Մի շարք դիտորդներ նշում են, որ իշխանության և իշխող ԱԶԿ-ի ներկայացուցիչները լարվածության մթնոլորտ են ստեղծում և փորձում են «քրեականացնել» իրենց հակառակորդներին։ Օրերս ՆԳ նախարար Սուլեյման Սոյլուն զուգահեռ է անցկացրել մայիսի 14-ի քվեարկության և 2016-ի ձախողված հեղաշրջման միջև։
Աթաթուրքի հիմնադրած Ժողովրդահանրապետական կուսակցության (CHP) առաջնորդ Քեմալ Քըլըչդարօղլուն իր ընտրողներին խոստացել է «վերադարձնել Թուրքիան դեպի լույս» և «վերականգնել թուրքական ժողովրդավարությունը» իր ընտրողներին։ Նախագահական ընտրություններում նա առաջադրվել է ընդդիմադիր վեց կուսակցությունների կոալիցիայի կողմից։
74-ամյա սոցիալ-դեմոկրատների հանրահավաքը տեղի է ունեցել Իզմիրում՝ Էգեյան ծովի ափին, որը Ստամբուլի հետ միասին կոչվում է ընդդիմության հենակետ։ Նախորդ ընտրություններում Էրդողանը երկրի մեծությամբ երրորդ քաղաքում հավաքել էր ձայների մեկ երրորդից էլ պակաս:
Տարբեր հարցումների համաձայն՝ Քըլըչդարօղլուն առնվազն 5 տոկոսային կետով գերազանցում է իր մրցակցին, մինչդեռ նույն օրը կայանալիք խորհրդարանական ընտրություններում առավելություն ունի իշխող կուսակցությունը։
Թարգմանությունը ՝ Խոսնակ Լրատվականի