ԱՄՆ արդարադատության նախարարությունը հարցում է ուղարկել Կոլումբիայի շրջանի դաշնային դատարանի դատավորին՝ սահմանափակելու ԱՄՆ նախկին նախագահ Դոնալդ Թրամփի՝ Կապիտոլիումի գրոհի մասին տեղեկությունները հրապարակայնորեն կիսելու հնարավորությունը։
Այս մասին հաղորդում է The Washington Post-ը։
Նրա խոսքով՝ դատախազներն առաջարկում են թույլ չտալ Թրամփին և նրա փաստաբաններին դատավարության ընթացքում ձեռք բերված տեղեկությունները հայտնել այն մարդկանց, ում հասանելիությունը այդ նյութերին թույլ չի տվել դատարանը։ Հրապարակման մեջ պարզաբանվում է, որ խնդրանքին ուղեկցել է Սպիտակ տան նախկին ղեկավարի հրապարակումը Truth Social սոցիալական ցանցում, որում Թրամփը գրել է.«Եթե դու հետևես ինձ, ես կգամ քեզ համար»։
«Եթե ամբաստանյալը սկսի հրապարակային հայտարարություններ հրապարակել՝ օգտագործելով հետաքննության ընթացքում ձեռք բերված մանրամասները կամ երդվյալ ատենակալների ձայնագրությունները, դա կարող է բացասական ազդեցություն ունենալ վկաների վրա՝ ստիպելով նրանց լռել և բացասաբար ազդել այս գործով արդարադատության արդար իրականացման վրա», թերթը մեջբերել է ամերիկացի հատուկ դատախազ Ջեք Սմիթի հայտարարությունը։
Թարգմանությունը` Խոսնակ Լրատվականի