.jpg)
Միացյալ Նահանգները և Միացյալ Թագավորությունը վաղուց վայելում են այն, ինչ Ուինսթոն Չերչիլն անվանել է «հատուկ հարաբերություններ», սակայն ԱՄՆ ոչ մի նախագահ երբևէ չի մասնակցել թագավորական թագադրմանը: Արդյո՞ք այս ավանդույթը մատնանշում է երկու ազգերի միջև ընկած անտագոնիզմը, թե՞ ավելի սովորական բան:
Չարլզ թագավորի թագադրումը կնշանավորվի դարերի շքեղությամբ և ավանդույթներով: Թագավորը երդվելու է Վեսթմինսթերյան աբբայությունում՝ հազարավոր հպատակների ու պետությունների ղեկավարների առջև։
Սակայն բարձրաստիճան պաշտոնյաների բազմության մեջ կլինի մեկ ակնհայտ բացակայություն՝ ԱՄՆ նախագահ Ջո Բայդենը: Բայց թագավորի հետ հեռախոսազրույցում նախագահն ասաց, որ փոխարենը կուղարկի իր կնոջը՝ առաջին տիկին Ջիլ Բայդենին և դիվանագիտական ներկայացուցչի: Սպիտակ տունը ոչ մի պատճառ չի նշել պարոն Բայդենի բացակայության համար, սակայն ասել է, որ նախագահը «փոխանցել է թագավորի հետ ապագայում Մեծ Բրիտանիայում հանդիպելու իր ցանկությունը»:
Պահպանողական պատգամավոր Բոբ Սելին ասել է, որ պարոն Բայդենը կարծես թե «զարմանալիորեն բաց է թողնում» «կյանքում մեկ անգամ տեղի ունեցող իրադարձությունը»:
«Mirror» թերթի թագավորական խմբագիր Ռասել Մայերսը նույնպես ասել է, որ նախագահի բացակայությունը պայմանավորված է նրանով, որ նա «խստորեն հպարտանում է իր իռլանդական արմատներով, իր իռլանդական ամերիկյան արմատներով»:
«Ես չէի կարծում, որ իրական հավանականություն կա, որ նա կգա», - ասաց պարոն Մայերսը:
Սակայն պատմաբաններն ասում են, որ պատճառը շատ ավելի քիչ քաղաքական է, և որ Ամերիկայի նախագահների համար իրականում դարավոր ավանդույթ է թագադրումը բաց թողնելը:
Թարգմանությունը՝ Խոսնակ Լրատվականի