ԱՄՆ-ն և Իրանը մոտ են բանտարկյալների փոխանակման և մի շարք այլ պայմանավորվածություններին։
Ինչպես հաղորդում է «Կոմերսանտ»-ը, դա հաստատել են Օմանի իշխանությունները, որոնք միջնորդ են եղել Վաշինգտոնի և Թեհրանի միջև։ Միևնույն ժամանակ, միջուկային գործարքին կամ Գործողությունների համատեղ համապարփակ ծրագրին (ՀԳՀԾ) վերադարձի հեռանկարները մնում են ուշադրության կենտրոնում։
Թեև Օմանը շատ լավատես է այս հարցում, սակայն 2015 թվականի համաձայնագրերին երկրորդ կյանք տալը հեշտ չի լինի. Ջո Բայդենի վարչակազմի վրա չափազանց մեծ ճնշում կա ինչպես երկրի ներսում, այնպես էլ դրսից։
Օմանի արտաքին գործերի նախարար Բադր բեն Համադ բեն Համուդ ալ-Բուսաիդին կիսվել է ԱՄՆ-ի և Իրանի միջև անմիջական շփումների մանրամասներով։
«Ես տեսնում եմ Վաշինգտոնի և Թեհրանի մտադրությունների լրջությունը, որոնց բանակցողները փորձում են փրկել 2015 թվականի միջուկային համաձայնագիրը»,-ասել է նա: Դրան նրանք (Իրանի իշխանությունները.-Կոմերսանտ) պատրաստ կլինեն նույն կերպ արձագանքել»:
Նախարարը նաև պարզաբանել է, որ տեսանելի ապագայում Իրանը կարող է վերադարձնել մուտքը դեպի իր միջոցները օտարերկրյա հաշիվներում, որոնք կորցրել են Թեհրանի դեմ Վաշինգտոնի պատժամիջոցների սահմանումից հետո. «մնում է համաձայնեցնել այդ առաջադրանքի իրականացման ընթացակարգը և ժամանակացույցը»: Լավատեսությունը, ըստ նախարարի, ներշնչված է նաև «գերիների փոխանակման» շուրջ բանակցությունների ընթացքից. «Իրանն ու ԱՄՆ-ը մոտ են համաձայնագրի կնքմանը, մնում է միայն տեխնիկական հարցերի շուրջ համաձայնության գալ»։
Թարգմանությունը` Խոսնակ Լրատվականի