Ադրբեջանը շարունակում է աշխարհին ներկայացնել Հայաստանը, որպես արևմտյան ադրբեջան։ Այս քարոզաչական աշխատանքները կատարվում են նաև հատուկ տեսանյութերի և այլ հրատարակչությունների միջոցով։ Վերջերս Բաքվի հեռուստաընկերություններից մեկի եթերում ցուցադրվել է «Արևմտյան Ադրբեջանի տարեգրություն» նախագծի շրջանակում արվեստի պատմության գծով փիլիսոփայության դոկտոր Էլչին Ալիբեյլիի հեղինակային «Մեր ժառանգությունը» հաղորդաշարի հերթական թողարկումը։
Ըստ հաղորդման հեղինակի՝ Շիրակի մարզի Ողջի համայնքը ներկայացվել է որպես ադրբեջանական գյուղ։
Ադրբեջանական Report գործակալությունը հրապարակել է այդ տեսանյութը նշելով նաև գյուղի ադրբեջանական անունը «Օխչուօղլու»։
Ֆիլմում ներկայացվել է «Օխչուօղլուի (Ողջի համայնք․ խմբ) ադրբեջանցիների իբր սովորույթները, ավանդույթները, ինչպես նաև կենդանի ժառանգության» մասին։
Այս համայնքը «Օխչուօղլուն (Ողջի համայնք․ խմբ) գտնվում է Ամասիա շրջկենտրոնից 18 կմ հարավ, Ախուրյան գետի «արփաչայի» արևմտյան աջ ափին, Գյումրի քաղաքից 10 կմ հյուսիս-արևմուտք։ Ըստ հաղորդման հեղինակի 1886 թվականին այս գյուղում ապրել է 551 ադրբեջանցի, 1897 թվականին՝ 747, 1908 թվականին՝ 935, 1914թ - 980։ Բոլորը վտարվել են իրենց հողերից 1916 թ.: Հայաստանի խորհրդայնացումից հետո, փրկված որոշ ադրբեջանցիներ կարողացել են վերադառնալ հայրենի գյուղ, սակայն 1989 թվականի ձմռանը ադրբեջանցիները կրկին տեղահանվել են այս հողերից, և այժմ այս տարածքում միայն հայեր են ապրում»,- նշվում է տեսանյութում։
Հիշեցնենք, որ ծրագրում, որի նպատակը Հայաստանի սուվերեն տարածքը Արևմտյան Ադրբեջան ներկայացնելն է, նրանք փորձում են հեռավոր շրջաններում գտնել ադրբեջանական հետքեր և գույքագրել դրանք։ Այս կապակցությամբ ներկայացվում են համապատասխան շրջանների նախկին բնակիչների վկայությունները, զրույցները, որոնք ներկայացնում են ազգագրագետների, և բանահավաքների միջոցով։
Հետևեք մեզ ՏԵԼԵԳՐԱՄՈՒՄ