Ռուսաստանի և Ադրբեջանի միջև միջպետական հարաբերություններում ճգնաժամ չկար, դա «զգացմունքների ճգնաժամ» էր, Դուշանբեում լրագրողներին ասել է Ռուսաստանի նախագահ Վլադիմիր Պուտինը։
«Գիտեք, ես նույնիսկ չէի ասի, որ մենք միջպետական հարաբերություններում ճգնաժամ ունեինք։ Ինչո՞ւ։ Եթե դա միջպետական հարաբերություններում ճգնաժամ լիներ, ապա մենք առևտրատնտեսական կապերում աճ չէինք ունենա։ Բայց, չնայած այն ամենին, ինչ տեսել ենք և ինչի հետ բախվել ենք, զգալի աճը, շարունակվել է։ Այսպիսով, ի՞նչ ճգնաժամ է սա միջպետական հարաբերություններում։ Ես կասեի, որ դա, ամենայն հավանականությամբ, հուզական ճգնաժամ էր։ Եվ պարզ է, թե ինչու։ Որովհետև մենք բախվել էինք շատ դժվար իրադարձության, ողբերգական իրադարձության՝ ավեացիոն աղետի և դրա ուղևորների զոհվելուն։ Հետևաբար, մենք պետք է հանգիստ կարգավորեինք սա։ Մեզ ժամանակ էր պետք», - նշել է նախագահը։