Բելառուսի նախագահ Ալեքսանդր Լուկաշենկոյին Մինսկի մարզի ֆերմա կատարած այցելության ժամանակ Մուսյա անունով ջերսի ցեղատեսակի կով են նվիրել։
Լուկաշենկոն այցելել է Ուզդա շրջանում գտնվող «ԲելԻնտերԳեն-Ագրո» ՍՊԸ-ի կաթնամթերքի ֆերմա։ Ընկերության հիմնական գործունեություններից մեկը անասնապահության զարգացումն է։
«ԲելԻնտերԳեն»-ը հիմնականում բուծում է Հոլշտեյն ցեղատեսակի կովեր, բայց սկսել է նաև ջերսի ցեղատեսակի կովեր բուծել։ Պետության ղեկավարին նվիրել են ջերսի ցեղատեսակի կով։
Ջերսին փոքր կաթնատու կովերի ցեղատեսակ է։ Նրա կաթը բնութագրվում է ճարպի և սպիտակուցի բարձր պարունակությամբ, ինչպես նաև A2 սպիտակուցի բարձր պարունակությամբ։ Միևնույն ժամանակ իր թեթև քաշի շնորհիվ ջերսի ցեղատեսակի կովերի համար զգալիորեն պակաս կեր է պահանջվում։
Օրական կաթնատվությունը մինչև 30 լիտր է։