Նորվեգիայի Ֆյորդե քաղաքում շարունակվող ծանրամարտի աշխարհի առաջնությունում այսօր՝ հոկտեմբերի 10-ին, ելույթները կսկսեն 110 կգ քաշային ծանրորդները: Այս մասին տեղեկացրել է Հայաստանի ծանրամարտի ֆեդերացիան:
Հայաստանի հավաքականից այս քաշային կարգում ընդգրկված են Աշխարհի և Եվրոպայի կրկնակի չեմպիոն, Օլիմպիական խաղերի կրկնակի արծաթե մեդալակիր Սիմոն Մարտիրոսյանն ու Եվրոպայի կրկնակի չեմպիոն, Փարիզ-2024-ի մասնակից Գարիկ Կարապետյանը:
110 կգ քաշային ծանրորդների մրցելույթները կմեկնարկեն Երևանի ժամանակով 21:30-ին: