Իսպանիան արգելել է ԱՄՆ նախագահ Դոնալդ Թրամփին օգտագործել իր ռազմական բազաները Իրանի վրա հարձակվելու համար և վտարել է ԱՄՆ ռազմաօդային ուժերի տանկերը, հաղորդում է El Pais-ը։
Հրապարակումը նշում է, որ Մադրիդը հրաժարվել է աջակցել ԱՄՆ-ի և Իսրայելի ռազմական գործողություններին Իրանի դեմ։
Այս մասին հայտարարել է Իսպանիայի արտաքին գործերի նախարար Խոսե Մանուել Ալբարեսը, հաղորդում է Reuters-ը՝ նշելով, որ Իսպանիան նաև հեռացել է Ֆրանսիայի, Գերմանիայի և Մեծ Բրիտանիայի դիրքորոշումից, որոնք հայտնել են իրենց պատրաստակամությունը՝ ձեռնարկել «համաչափ հարձակողական գործողություններ»՝ ի պատասխան Թեհրանի կողմից Պարսից ծոցի երկրների և Կիպրոսի վրա հարձակումների։
Իսպանիայի արտաքին գործերի նախարար Խոսե Մանուել Ալբարեսի խոսքով՝ Եվրոպայի ձայնը պետք է լինի հավասարակշռության և չափավորության ձայն, որը նպատակաուղղված է լարվածության թուլացմանը և բանակցություններին վերադառնալուն։
Նախկինում հաղորդվել էր, որ Ֆրանսիայի, Գերմանիայի և Մեծ Բրիտանիայի առաջնորդները վրդովված են Իրանի կողմից Մերձավոր Արևելքի երկրների վրա «անհամաչափ» հրթիռային հարվածներից և կոչ են անում Իսլամական Հանրապետությանը դադարեցնել հարձակումները։