ՀՀ ԱԺ արտաքին հարաբերությունների հանձնաժողովի նախագահ Սարգիս Խանդանյանը «Ֆեյսբուք»-ի իր էջում անդրադարձել է տնային կալանքում գտնվող միլիարդատեր Սամվել Կարապետյանի եղբորորդու՝ Նարեկ Կարապետյանի այն հայտարարությանը, թե Թուրքիան աջակցում է Հայաստանին առաջիկա խորհրդարանական ընտրություններում:
«Նարե՛կ ջան, ի տարբերություն ձերոնց՝ Հայաստանի քաղաքացիները հայերեն կարդալ գիտեն, կարողանում են օգտագործել նաև Google Translate:
Իսկ ի՞նչ է իրականում ասել Թուրքիայի արտգործնախարարը: Ասել է, որ տարածաշրջանում կայունության և բարգավաճման գործընթացում Հայաստանի վարչապետի ունեցած կառուցողական դերին իսկապես աջակցում են»,- գրել է Խանդանյանը և հրապարակել Կարապետյանի հայտարարության տեսապատճենը: