ՀՀ ԱԺ նախագահի տեղակալ Ռուբեն Ռուբինյանը հունվարի 15-ին ընդունել է մեր երկրում դիվանագիտական առաքելությունն ավարտող՝ Ամերիկայի Միացյալ Նահանգների արտակարգ և լիազոր դեսպան Քրիստինա Քվինին:
Այս մասին տեղեկացնում են ԱԺ մամուլի ծառայությունից:
Ռուբեն Ռուբինյանը բարձր է գնահատել Քրիստինա Քվինի պաշտոնավարման ամբողջ ընթացքում իրականացված աշխատանքը՝ ի նպաստ Հայաստան-ԱՄՆ բազմոլորտ գործակցության խորացման, և հաջողություն է մաղթել դեսպանին իր հետագա գործունեության մեջ:
Զրուցակիցները քննարկել են տարածաշրջանային զարգացումներին վերաբերող հարցեր: