«Մենք այսօր նախաճաշ ունենք նախատեսված հայկական կողմի հետ, որի ժամանակ կքննարկվեն երկրում գալիք խորհրդարանական ընտրությունները:
Մենք կխոսենք, թե ինչով կարող ենք նրանց օգնել այդ հարցում»:
Այս մասին հայտարարել է Կայա Կալլասը՝ խոսելով Բրյուսելում այսօրվա օրակարգում քննարկվող հարցերի մասին:
«Ինչպես Մոլդովան, Հայաստանը նույնպես գրանտի տեսքով աջակցություն է ստացել մեզնից «Արտաքին վնասակար ազդեցության դեմ պայքարի» համար»,- նշել է Կալլասը:ՀՀ ԱԳՆ-ն հայտարարել էր, որ դեկտեմբերի 15-ին նախարար Արարատ Միրզոյանն աշխատանքային այցով գտնվելու է Բրյուսելում՝ մասնակցելու ԵՄ անդամ պետությունների արտաքին գործերի նախարարների խորհրդի ձևաչափով հանդիպմանը։