ՀՀ վարչապետ Նիկոլ Փաշինյանը սոցցանցի իր էջում տեսանյութ է հրապարակել և գրել.
Հեծանվային լուսաբացը Դուշանբեում»:
Հրապարակված տեսանյութում վարչապետն ասել է, թե ինչով են կարևոր նման զբոսանքներն իր համար:
«Հեծանվային լուսաբացները և զբոսանքները կարևոր են ոչ միայն ֆիզիկական ակտիվության, այլև որպես առնչություն կյանքի փիլիսոփայությանն այն իմաստով, որ հեծանվով ավելի պատկերավոր ես հասկանում, որ ճանապարհը միշտ չէ, որ ուղիղ է, և որ ցանկացած վերելքի հաջորդում է վայրէջք, և ցանկացած վայրէջքի հաջորդում է վերելք:
Հարցն այն է՝ ունես կամք շարունակելու առաջ գնալ: Լավ եղեք»,- ասել է վարչապետը:
Ավելի վաղ հայտնել էինք, որ ՀՀ վարչապետ Նիկոլ Փաշինյանն աշխատանքային այցով ժամանել է Տաջիկստանի Հանրապետություն, որտեղ մասնակցելու է ԱՊՀ պետությունների ղեկավարների խորհրդի հերթական նիստին: