Նորվեգիան ողջունել է սահմանի սահմանազատման վերաբերյալ Հայաստանի ու Ադրբեջանի միջև ձեռք բերված պայմանավորվածությունը։
Այս մասին «X»-ի իր միկրոբլոգում գրառում է արել Նորվեգիայի ԱԳՆ պետքարտուղար Էլվինդ Վադ Պետերսոնը։
«Նորվեգիան ողջունում է քաջալերող լուրերը Հայաստանի և Ադրբեջանի միջև սահմանի սահմանազատման շուրջ առաջընթացի վերաբերյալ։ Մենք հույս ունենք հետագայում տեսնել ավելի շատ առաջընթաց այս կարևոր աշխատանքում, որը շահավետ կլինի երկու երկրների և տարածաշրջանի համար»,- գրել է Պետերսոնը։