Հայաստանը իսկապես կրճատել է իր գործունեության շրջանակը ՀԱՊԿ-ի հետ։ Այս հարցում հստակությունը կազմակերպության բոլոր անդամների օգտին է։ Այս մասին մամուլին տված հարցազրույցում ասել է ՀԱՊԿ գլխավոր քարտուղար Իմանգալի Տասմագամբետովը՝ անդրադառնալով ՀԱՊԿ-ի և Հայաստանի գործակցությանը։
Ըստ Տասմագամբետովի «սառեցում» եզրույթը այդքան էլ տեղին չի օգտագործել ներկա իրավիճակում։
«Սառեցում» հասկացությունը արտացոլված չէ Կազմակերպության փաստաթղթերում, ուստի մենք այն չենք օգտագործի ներկայիս իրավիճակի հետ կապված: Հայաստանն իսկապես զգալիորեն կրճատել է իր գործունեության շրջանակը՝ որպես Կազմակերպության անդամ, սակայն, այնուամենայնիվ, աշխատանքները շարունակվում են, քարտուղարության օրակարգում ընդգրկված բոլոր հարցերը քննարկվում են աշխատանքային կարգով։ Այս հարցում հստակությունը ձեռնտու կլինի մեր ասոցիացիայի բոլոր մասնակիցներին, առաջին հերթին՝ ճիշտ պլանավորման համար»,- ասել է նա։