Ինչպես հայտնել ենք, ՀՀ վարչապետ Նիկոլ Փաշինյանը Նյու Յորքում հանդիպել է Թուրքիայի նախագահ Ռեջեփ Թայիփ Էրդողանի հետ:
Հանդիպման ժամանակ Էրդողանը Փաշինյանին նվիրել է իր հեղինակած «Ավելի արդար աշխարհ հնարավոր է» գիրքը։
Թուրքական պետության ղեկավարը, խոսելով գրքից, հայտնել է, թե նման աշխատանքի միջոցով ուղերձ է հղում, որ «աշխարհում, որտեղ երեխաներ են մահանում և որտեղ նրանց սպանում են, անմեղներ չկան»։
Թուրք առաջնորդի խոսքով՝ մի դարաշրջանում, երբ «ողորմությունը կորել է, քաղաքական գործիչները պարտավոր են ապահովել արդարություն և դառնալ խղճի ձայն»:
«Մեր ընկալմամբ՝ արդարությունն է, որ կապահովի աշխարհակարգը, աշխարհի փրկությունն ու երջանկությունը։ Գլոբալ կարգի կարիք կա, որը վստահություն և հույս կհաղորդի ավելի արդար աշխարհի ձևավորման համար»,- տառացիորեն ասվում է գրքում։