«Մապի Ալիկի» գործն ուղարկվել է Դատախազություն

13:12 | 24.12.2019

«Մապի Ալիկի» գործն ուղարկվել է Դատախազություն

ԱԺ նախկին պատգամավոր, «Մապի Ալիկ» անունով հայտնի Ալեքսան Պետրոսյանի վերաբերյալ քրեական գործով նախաքննությունն ավարտվել է եւ գործն ուղարկվել Դատախազություն՝ մեղադրական եզրակացությունը հաստատելու համար։ Այս մասին ասաց Ալեքսան Պետրոսյանի պաշտպան Միհրան Պողոսյանը։

Ավելի վաղ հայտնել էինք, որ Պետրոսյանը կալանավորվել է բնապահպանության նախկին նախարար Արամ Հարությունյանի դեմ հարուցված քրեական գործի շրջանակներում։ Ձերբակալված է եղել նաեւ նրա որդին՝ Մակար Պետրոսյանը, սակայն որոշ ժամանակ անց ազատ արձակվել:

Նշենք, որ Պետրոսյանը մեղադրվում է փողերի լվացմանն օժանդակելու մեջ:

Հատուկ քննչական ծառայությունը Ալեքսան Պետրոսյանի եւ նրա որդու գործի վերաբերյալ որեւէ մեկնաբանություն չի տալիս:

Բաժնի այլ լուրեր

Օրակարգ

Միակ Էկոնոմ դասի ավտովարձույթը Հայաստանում

Գովազդային տարածք