Մենք չենք պատրաստվում մտնել ցանկացած պետության, անգամ եղբայրական Ռուսաստանի կազմի մեջ. Լուկաշենկո

16:53 | 05.12.2019

Մենք չենք պատրաստվում մտնել ցանկացած պետության, անգամ եղբայրական Ռուսաստանի կազմի մեջ. Լուկաշենկո

Բելառուսի նախագահ Ալեքսանդր Լուկաշենկոն ընդգծում է, որ Բելառուսում ոչ ոք չի պատրաստվում հանձնել երկրի անկախությունն ու ինքնիշխանությունը։ Այս մասին այսօր նա ասել է վեցերորդ եւ յոթերորդ գումարումների Ազգային ժողովի Ներկայացուցիչների պալատի եւ Հանրապետության խորհրդի անդամներին, տեղեկացնում է ԲԵԼՏԱ-ն։

«Մենք երբեք չենք պատրաստվել եւ չենք պատրաստվում մտնել ցանկացած պետության, անգամ եղբայրական Ռուսաստանի կազմի մեջ»,- ասել է նախագահը։

«Գլխավորը՝ հիշեք. ես տղեկ չեմ, որը 3-4-5 տարի նախագահ է աշխատել։ Եվ ես չեմ ուզում ջնջել այն ամենը, ինչ արել եմ ձեզ հետ, ժողովրդի հետ՝ ստեղծելով ինքնիշխան, անկախ պետություն, որպեսզի այն հիմա վրան խաչով մի արկղի մեջ դնեմ։ Եվ ինչ-որ տեղ դեն նետեմ կամ հանձնեմ։ Իմ օրոք դա երբեք չի լինի։ Սա մեր երկիրն է։ Մենք ինքնիշխան ենք եւ անկախ։ Սրանով պետք է հպարտանալ»,- ընդգծել է Բելառուսի նախագահը։

Նա ավելացրել է, որ եթե ոչ ոք չի հավակնում, չի պատրաստվում մեզ զավթել, ապա ինչու ինքներս այդ բարիքը՝ անկախությունն ու ինքնիշխանությունը, տանենք ու տանք ինչ-որ մեկին։ «Պատմության մեջ նման մտրակումներ բավականաչափ ունեցել ենք»,- նկատել է Ալեքսանդր Լուկաշենկոն։

Միեւնույն ժամանակ, նախագահը նշել է, որ կարեւոր է գլուխն ուսերի վրա պահել. «Մենք չպետք է անգամ առիթ տանք, որպեսզի որեւէ մեկը ցանկանա մեզ ճկել ու ծնկի բերել։ Սա է քաղաքական գործիչների ու քաղաքականության իմաստությունը, որը մենք ձեզ հետ միասին ձեւավորում ու իրականացնում ենք»։

Բաժնի այլ լուրեր

Օրակարգ

Միակ Էկոնոմ դասի ավտովարձույթը Հայաստանում

Գովազդային տարածք