Սեբաստիայի փողոցում բախվել են «Cadillac»-ը եւ «Nissan Cube»-ը. վերջինիս վարորդի վիճակը կայուն ծանր է

10:40 | 22.10.2019

Սեբաստիայի փողոցում բախվել են «Cadillac»-ը եւ «Nissan Cube»-ը. վերջինիս վարորդի վիճակը կայուն ծանր է

Հայաստանի ԱԻՆ-ում, այսօր՝ հոկտեմբերի 22-ին, ժամը 00:16-ին «911» ծառայություն ահազանգ է ստացվել, որ Երեւանի Սեբաստիայի փողոցի թիվ 141/3 հասցեի մոտակայքում տեղի է ունեցել ավտովթար՝ բախվել են ավտոմեքենաներ, առկա է վառելիքի արտահոսք, կա տուժած․ անհրաժեշտ է փրկարարների օգնությունը։

Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ բախվել են «Cadillac» եւ «Nissan Cube» (վարորդ՝ Հարություն Խ.) մակնիշների ավտոմեքենաները. վառելիքի արտահոսք չի հայտնաբերվել։

Մինչ փրկարարների՝ կանչի վայր հասնելը «Nissan Cube» մակնիշի ավտոմեքենայի վարորդը հոսպիտալացվել է «Արմենիա» ՀԲԿ, որտեղ բժիշկները նրա առողջական վիճակը գնահատել են կայուն ծանր, իսկ մյուս ավտոմեքենայի վարորդը՝ «Աստղիկ» ԲԿ, որտեղ բժիշկները վերջինիս առողջական վիճակը գնահատել են բավարար։

Փրկարարները հոսանքազրկել են ավտոմեքենաները։

Բաժնի այլ լուրեր

Լրահոս

Միակ Էկոնոմ դասի ավտովարձույթը Հայաստանում

Գովազդային տարածք