Թուրքիան ԱՄՆ-ին մեղադրել է Սիրիայում անվտանգության գոտու կազմավորումը ձգձգելու մեջ

17:16 | 10.09.2019

Թուրքիան ԱՄՆ-ին մեղադրել է Սիրիայում անվտանգության գոտու կազմավորումը ձգձգելու մեջ

Թուրքիայի ԱԳ նախարար Մեւլութ Չավուշօղլուն ԱՄՆ-ին մեղադրել է Սիրիայի հյուսիս-արեւելքում անվտանգության գոտու ստեղծման վերաբերյալ բանակցությունները ձգձգելու մեջ, տեղեկացնում է ՌԻԱ «Նովոստի»-ն։

«ԱՄՆ-ի հետ բանակցություններն սկսելուց հետո արվել է առաջին քայլը՝ (անվտանգության գոտու) համակարգիչ կենտրոնի ստեղծումը... Բայց եւ միաժամանակ մենք մեր նախազգուշացումն ենք հայտնել, որպեսզի դա չվերածվի երկրորդ Մանբիջի  (որտեղ ԱՄՆ-ը  չի կատարել Անկարայի առջեւ իր պարտավորությունները քրդական կազմավարումները դուրս բերելու վերաբերյալ)։ Որովհետեւ ԱՄՆ-ը պայմանավորվածություների պատճառով, որոնք ունի ահաբեկիչների հետ, խոսքը չի պահում։ Մենք տեսնում ենք, որ այն նորից սկսել է ժամանակ ձգել»,- ասել է Չավուշօղլուն լրագրողներին։

Նրա խոսքով՝ «ԱՄՆ վարքագիծը չի բավարարում Անկարային»։

«Մեր պլանները պատրաստ են։ Եվ եթե մեր համագործակցությունը արդյունք չտա, մենք ինքներս կմտնենք այդ գոտի, եւ ինչպես դա եղավ Աֆրինում, կմաքրենք այն ու կայունություն կապահովենք»,- ավելացրել է նախարարը։

Ավելի վաղ Անկարայում ավարտվել էին թուրք-ամերիկյան բանակցությունները Սիրիայի հյուսիսում անվտանգ գոտու ստեղծման վերաբերյալ։ Ինչպես տեղեկացրել է Թուրքիայի պաշտպանության նախարարությունը, Անկարան եւ Վաշինգտոնը հասել են համատեղ գործողությունների  եւ Սիրիայի հյուսիսում անվտանգության գոտու համակարգիչ կենտրոնի ստեղծման պայմանավորվածության։ Պաշտոնական Դամասկոսը կտրականապես դեմ է այդ համաձայնագրին, քանի որ, սիրիական կառավարության կարծիքով, այն աղաղակող հարձակում է Սիրիական Արաբական Հանրապետության ինքնիշխանության եւ տարածքային ամբողջականության դեմ եւ միջազգային իրավունքի ու ՄԱԿ կանոնադրության սկզբունքների խախտում։

Բաժնի այլ լուրեր

Լրահոս

Միակ Էկոնոմ դասի ավտովարձույթը Հայաստանում

Գովազդային տարածք