Փարիզում սկսվել է Նոտր Դամի մերձակա թաղամասերի՝ կապարով աղտոտումից մաքրման գործողությունը

18:01 | 13.08.2019

Փարիզում սկսվել է Նոտր Դամի մերձակա թաղամասերի՝ կապարով աղտոտումից մաքրման գործողությունը

Փարիզի պրեֆեկտուրան երեքշաբթի օրը սկսել է Փարիզի Աստվածամոր տաճարին հարակից թաղամասերի մաքրումը կապարից։ Սա 
աղտոտումից մաքրման թվով երկրորդ խոշոր գործողությունն է, հայտնում է «France Info» ռադիոկայանը:

Մաքրումն անցկացվում է տաճարում խոշոր հրդեհից հետո, որի հետևանքով ծխի և մոխրի հետ շրջակա միջավայր է լցվել մոտ 400 տոննա կապար, որով ծածկված էր շենքի տանիքը: Ա

Մաքրման առաջին գործողությունը, որը հիմնականում կատարվել է ջրով, որակվել է որպես «անարդյունավետ»:

Այժմ տաճարի հարևան փողոցները նախ կլվացվեն հատուկ քիմիական մաքրող նյութով՝ գերբարձր ճնշման տակ։

Այնուհետև ասֆալտի մակերևույթին, նստարաններին ու սյուներին մեկ օրվա ընթացքում կքսվի կապարը կլանող հատուկ դոնդող: Այդ նյութը պետք է լիովին չորանա, ինչից հետո կհեռացվի ութ օրվա ընթացքում:

Ինչպես հայտնել է պրեֆեկտուրան, այդ ծրագիրը կտևի մինչև օգոստոսի 23-ը: Սիտե կղզում կփակվեն ոչ միայն մի քանի փողոցներ, այլև մետրոյի մերձակա կայարանը: Ավտոբուսային երթուղիները կփոփոխվեն:

Բաժնի այլ լուրեր

Լրահոս

Միակ Էկոնոմ դասի ավտովարձույթը Հայաստանում

Գովազդային տարածք