Ս-400-ների մատակարարման հարցում որեւէ խնդիր չկա. Չավուշօղլու

17:25 | 12.07.2019

Ս-400-ների մատակարարման հարցում որեւէ խնդիր չկա. Չավուշօղլու

Թուրքիան եւ Ռուսաստանը սերտ կապի մեջ են Ս-400 զենիթահրթիռային համակարգերի (ԶՀՀ) մատակարարման հետ կապված։

Այս մասին Անկարայում մամուլի ասուլիսի ժամանակ ասել է Թուրքիայի արտաքին գործերի նախարար Մեւլութ Չավուշօղլուն, տեղեկացնում է ՏԱՍՍ-ը։

«Ս-400-ների մատակարարման հարցում որեւէ խնդիր չկա։ Մենք սերտ կապի մեջ ենք Ռուսաստանի հետ։ Մատակարարումների գործընթացը շարունակվում է»,- ընդգծել է ԱԳՆ ղեկավարը։

Չավուշօղլուն նաեւ հավաստիացրել է, որ «մատակարարումների գործընթացն այսուհետ եւս կշարունակվի նորմալ ռեժիմով»։

Ավելի վաղ, ուրբաթ Թուրքիայի ազգային պաշտպանության նախարարությունը հայտարարել էր, որ Ս-400 ԶՀՀ բաղադրիչների առաջին խմբաքանակը հասցվել է Անկարայի Մյուրթեդ ավիաբազա։ Համաձայն Թուրքիայի պաշտպանական արդյունաբերության վարչության տեղեկատվության՝ մյուս բաղադրիչների մատակարարումները կշարունակվեն առաջիկայում։

Բաժնի այլ լուրեր

Լրահոս

Միակ Էկոնոմ դասի ավտովարձույթը Հայաստանում

Գովազդային տարածք