11 դատավոր ցանկություն է հայտնել մասնակցել ԲԴԽ անդամի թափուր տեղերի ընտրությանը

12:54 | 10.07.2019

11 դատավոր ցանկություն է հայտնել մասնակցել ԲԴԽ անդամի թափուր տեղերի ընտրությանը

«Հայաստանի Հանրապետության դատական օրենսգիրք» սահմանադրական օրենքի 76-րդ հոդվածի 4-րդ և 5-րդ մասերի կարգավորումների ուժով` Դատական դեպարտամենտի ղեկավարի կողմից սույն թվականի հունիսի 27-ին ծանուցագրեր են ուղարկվել Բարձրագույն դատական խորհրդի դատավոր անդամներ ընտրվելու իրավունք ունեցող Հայաստանի Հանրապետության առաջին ատյանի թվով 77 դատավորին:

Առաջին ատյանի դատարաններից ստացվել է Բարձրագույն դատական խորհրդի դատավոր անդամների թեկնածուների 66 դիմում՝ իրենց անունները քվեաթերթիկում չներառելու մասին:

Բարձրագույն դատական խորհրդի դատավոր անդամների թափուր տեղերի ընտրության քվեաթերթիկում ներառվելու է 11 դատավորի անուն։

Նրանց թվում են հայտնի դատավորներ՝ Մեսրոպ Մակյանը, Ռուբեն Վարդազարյանը, Դավիթ Բալայանը և ուրիշներ։

Նկատենք, որ այս թեկնածուներից Դատավորների ընդհանուր ժողովը պետք է ընտրի երեքին և նրանց թեկնածությունները ներկայացնի ԱԺ հաստատման։ Դատավորների ընդհանուր ժողովը տեղի կունենա հուլիսի 11-ին։

Բաժնի այլ լուրեր

Լրահոս

Միակ Էկոնոմ դասի ավտովարձույթը Հայաստանում

Գովազդային տարածք