ԵՄ-Հայաստան Գործընկերության խորհրդում կքննարկվի ՀՀ-ԵՄ համաձայնագրի իրականացումը

17:05 | 12.06.2019

ԵՄ-Հայաստան Գործընկերության խորհրդում կքննարկվի ՀՀ-ԵՄ համաձայնագրի իրականացումը

ԵՄ-Հայաստան Գործընկերության խորհրդի նիստը տեղի է ունենալու ս.թ. հունիսի 13-ին: Եվրոպական միության արտաքին գործերի եւ անվտանգության քաղաքականության հարցերով բարձր ներկայացուցիչ Ֆեդերիկա Մոգերինին գլխավորելու է ԵՄ պատվիրակությունը՝ համանախագահելով ՀՀ ԱԳ նախարար Զոհրաբ Մնացականյանի հետ:

Գործընկերության խորհրդի նիստի ընթացքում քննարկվելու են ԵՄ-Հայաստան Համապարփակ եւ ընդլայնված գործընկերության համաձայնագրի իրականացումը, գործընկերության գերակայությունները, ինչպես նաեւ տնտեսական, առեւտրի եւ ոլորտային համագործակցության, վիզայի ազատականացման երկխոսության հեռանկարներին առնչվող հարցեր: Բարձր ներկայացուցիչ Մոգերինին եւ Արտաքին գործերի նախարար Մնացականյանը քննարկելու են նաեւ կարեւոր քաղաքական հարցեր, որոնք ներառելու են քաղաքական երկխոսությունը եւ բարեփոխումները, ժողովրդավարությունը, իրավունքի գերակայությունը, մարդու իրավունքները եւ այլ: Հնարավոր է քննարկվեն նաեւ ԼՂ համարտությանը, ինչպես նաեւ միջազգային եւ տարածաշրջանային անվտանգությանն առնչվող հարցեր։   

Բաժնի այլ լուրեր

Լրահոս

Միակ Էկոնոմ դասի ավտովարձույթը Հայաստանում

Գովազդային տարածք