Սեդրակ Քոչարյանի մեքենան շրջափակել էին

17:05 | 18.05.2019

Սեդրակ Քոչարյանի մեքենան շրջափակել էին

Երեւանի ընդհանուր իրավասությունների Ավան եւ Նոր Նորք վարչական շրջանների դատարանի մոտ իրավիճակը լարված է:

NEWS.am-ի թղթակիցը հայտնում է, որ Ռոբերտ Քոչարյանի խափանման միջոցը փոխելու որոշման հրապարակումից հետո դատարանի դիմաց բողոքի ակցիա իրականացնող իշխանության կողմնակիցները կոչ արեցին շրջափակել Ռոբերտ Քոչարյանի ավագ որդու՝ Սեդրակ Քոչարյանի մեքենան եւ թույլ չտալ նրա տեղաշարժը։ Սեդրակ Քոչարյանի մեքենային, այնուամենայնիվ, հաջողվեց դուրս գալ այդ շրջափակումից եւ հեռանալ։

Նշենք, որ Ժամը 13.00-ից իշխանության կողմնակիցները և Քոչարյանի աջակիցները հավաքվել էին դատարանի բակում և բողոքի ակցիա էին իրականացնում վճռի հրապարակումից առաջ։ 

Հիշեցնենք, որ այսօր Երեւանի ընդհանուր իրավասությունների Ավան եւ Նոր Նորք վարչական շրջանների դատարանը՝ դատավոր Դավիթ Գրիգորյանի նախագահությամբ որոշեց ՀՀ երկրորդ նախագահ Ռոբերտ Քոչարյանին անձնական երաշխավորությամբ ազատ արձակել։

Բաժնի այլ լուրեր

Լրահոս

Միակ Էկոնոմ դասի ավտովարձույթը Հայաստանում

Գովազդային տարածք