Գրավատների պետտուրքի բարձրացումը միանգամայն տրամաբանական է. փոխվարչապետ

18:38 | 27.03.2019

Գրավատների պետտուրքի բարձրացումը միանգամայն տրամաբանական է. փոխվարչապետ

Տրամաբանական եմ համարում գրավատների համար պետական տուրքի բարձրացումը։ Այս մասին մատի 27-ին Հայաստանի Ազգային ժողովում ասել է Հայաստանի փոխվարչապետ Մհեր Գրիգորյանը՝ պատասխանելով «Բարգավաճ Հայաստան» խմբակցության պատգամավոր Տիգրան Ուրիխանյանի՝ գրավատների եւ փոխանակման կետերի պետտուրքի բարձրացման վերաբերյալ հարցին։

Պատգամավորը նաեւ տեղեկացրել է, որ գրավատների աշխատակիցները պատրաստվում են մարտի 28-ին բողոքի ցույց իրականացնել կառավարության շենքի առջեւ։

Ի պատասխան՝ Գրիգորյանը նշել է, որ տուրքի ներկա չափը, որը տարածվում է այդ կազմակերպությունների վրա, պարզապես ծիծաղելի է։ «Գրավատների ներկայացուցիչների հետ երկխոսությունը, որոնք առաջարկում են փոփոխություններ չմտցնել, անհնար է»,- ասել է փոխվարչապետը։  

Նշենք, որ գրավատների եւ փոխանակման կետերի տերերը մի շարք ցույցեր են անցկացրել կառավարության քննարկվող օրինագծի առնչությամբ, որի համաձայն՝ գրավատների համար 100 հազար դրամ պետական տուրքի փոխարեն սահմանվելու է 6 մլն դրամ, իսկ փոխանակման կետերի համար՝ 3 մլն դրամ ներկայիս 50 հազար դրամի փոխարեն։

Բաժնի այլ լուրեր

Լրահոս

Միակ Էկոնոմ դասի ավտովարձույթը Հայաստանում

Գովազդային տարածք