Հայաստանի 49 համայնքում այսօր ՏԻՄ ընտրություններ են. 4 համայնքում քաղաքապետ են ընտրում

10:10 | 21.10.2018

Հայաստանի 49 համայնքում այսօր ՏԻՄ ընտրություններ են. 4 համայնքում քաղաքապետ են ընտրում

Այսօր տեղական ինքնակառավարման մարմինների ընտրություններ են Արագածոտնի, Արարատի, Արմավիրի, Գեղարքունիքի, Լոռու, Կոտայքի, Շիրակի, Սյունիքի և Տավուշի մարզերի թվով 49 համայնքներում, որոնցից 24-ում ընտրությունները հերթական են, իսկ 25-ում՝ արտահերթ: Նշված համայնքներից 42-ում կայանալու են միայն համայնքի ղեկավարի, 6 համայնքում` միայն ավագանու անդամի և մեկ համայնքում՝ միաժամանակ համայնքի ղեկավարի և ավագանու անդամի ընտրություններ: 

Համայնքի ղեկավարի ընտրություններ կանցկացվեն Էջմիածնում, Հրազդանում, Կապանում և Արմավիրում:

ՏԻՄ ընտրություններին համայնքի ղեկավար ընտրող 43 համայնքից 15-ում առաջադրվել է 2-ական թեկնածու, 9 համայնքում՝ 4-ական թեկնածու, 8-ում՝ 3-ական, 6-ում՝ 1-ական, 4-ում՝ 5-ական և մեկում՝ Վաղարշապատում, 12 թեկնածու: 

Հիշեցնենք, որ այստեղ են առաջադրված Էջմիածնի քաղաքապետի պաշտոնակատար, Քաղաքացիական պայմանագիր կուսակցության ներկայացուցիչ Դիանա Գասպարանը, անկուսակցականներ՝ Վարդան Առաքելյանը, Գագիկ Բաղրամյանը, Վազրիկ Գրիգորյանը, Սամվել Դավթյանը, Վահագն Թադևոսյանը, Սուրեն Թոփալյանը, Սուսաննա Մարգարյանը, Վահե Մովսիսյանը, Սամվել Մուրադյանը, Սուրեն Մուրադյանը, Ժորժիկ Նավասարդյանը, ինչպես նաև «Լուսավոր Հայաստան» կուսակցությունից Սերգեյ Սարգսյանը:

Փաստաբանների պալատի անդամ Կարեն Ստեփանյանն ինքաբարացարկ է ներկայացրել:

Բաժնի այլ լուրեր

Լրահոս

Միակ Էկոնոմ դասի ավտովարձույթը Հայաստանում

Գովազդային տարածք